新年避免交換「禮」(廢)物
【行山無關】年三十大家都趕住辦年貨，聽日就去開開心心拜年啦！但希望大家都盡量減少買大型包裝的賀年禮品（明白有時對住長輩確好難做到...），什至可以同親友建議平輩唔洗買來買去、交換「禮」(廢)物吧！我都有時遇到哩個情況，又唔知對方鍾意乜嘢，於是為免兩手FING FING帶梳蕉去拜年，就求其在超市買點嘢去拜年... 然後為了不失體面又會選一些睇落好大盒的禮盒....
有時什至要將收到的禮盒又再拎去第二度拜年用添呢
與其要咁做，山女細細膽呼籲（唔知會唔會畀長輩睇到鬧鬼我...），大家不如今年就取消交換「禮」物啦！如果無可避免，就盡量揀少包裝的，例如生果，好味又實際！怕唔夠體面，咪揀D好好味又貴點（平時自己都唔捨得買嚟食既）囉！
回想起，以前老一輩都好鍾意買幾個橙或蘋果就去拜年，哩個做法真係充滿智慧！