上山遇見絲帶

雖然對大部份行開山既人嚟講係常識，但回想早期行山時心中的確有疑問，就係成日見到D絲帶，到底咩意思呢？

簡單的郊遊徑其實好少見，但當慢慢開始行D「硬嘢」時，通常唔係石屎路，甚至係疑此無路

此時就會出現不同形式既絲帶！

有唔同顏色、質地，有真絲帶，有尼龍草，甚至係膠袋廢條....到底有咩意思？

其係就係前人留低既記號！(係呀，好似古裝戲留低麵包碎咁)

大部份都是此路可通的意思，但亦曾經有人話跟絲帶行到不通的路要回頭

而且近年多了斬樹黨，有說某D係佢哋既記號，應該舉報或將佢拔去

但斬樹黨的記號與一般行山路線標記絲帶有別

但其實之前曾有不少人爭論過，應否拔去哩D絲帶

有指放絲帶既人體力和能力或許同自己不同，人哋行到唔代表你跟住行都OK，可能導致危險或什至迷路

甚至有爭論指掛絲帶環唔環保、絲帶用什麼物料等... 似乎扯到好遠了

但亦有指由於某D路徑太僻，有絲帶提示一下也好

山女亦見過有D位有幾條絲帶，意思應該係肯肯定係路吧！結果亦無錯

其實現今科技咁發達，其實大家只要老土D，學廣告話齋，行山前做好準備，睇清楚路線，帶定地圖或CAP OFFLINE MAP，跟GPS行就最好

放絲帶既人如果係山友，相信都唔會係想害人

但隨著越來越多人行山，也不能防範有立心不良既人搞搞陣，亂放絲帶

所以都係信地圖最穩陣

至於地圖應該睇邊個？其實亦係無特定答案

山女自己就會睇幾個：　

1. Ｇｏｏｇｌｅ　ｍａｐ睇ｓｔｒｅｅｔ　ｖｉｅｗ，但小心佢既路程所需時間通常都係快到無倫，可能鬼佬腳又長體力又好啩...

2. ｔｒａｉｌｗａｔｃｈ各師兄師姐行過的路（有埋高度圖和相參考，好實用）

3. 手機用地政署app MyMapHK，有等高線清楚註明路徑和高度(宜家先知中學地理常識咁有用)，以及可於「路線」欄中，依地區、難度等選擇路線，當然地政署建議既都係一D比較容易既路線

4. 高手可考慮用locus map (只適用於google play / Amazon) 或付費使用的Gaia GPS (我本人無用過，但有山友推薦，內含不少高手前人行山路線紀錄，而且不限於香港路線，連外國登山路線都有不少資料)

5. 再睇埋坊間其他行山網站，ｇｏｏｇｌｅ　ｓｅａｒｃｈ一下地點關鍵字就有了 (例如政府官方網站hiking.gov.hk、oasistrek, hike.hk等都係我常用參考)