瀑布灣 - 超簡單易去
遇上好天氣，但又懶懶地唔想太HEAVY地行山，可以考慮去香港仔瀑布灣
哩度超簡單易去，搭巴士去到華富村商場落車，行唔到10分鐘就到咗瀑布灣公園
沿著右邊行落去，好快你就會聽到淙淙流水聲，行多兩步就會見到一度藍色閘攔住你既去路
只要翻過旁邊既路攔，其實泥地還是有幾個梯級，再輕鬆一個翻身就入番藍閘路帶，有哂靚路引領落到去瀑布灣
轉眼靚景已收入眼簾！
行近D，你就會feel到大自然瀑布既威力！（因為好清涼大風架）
簡直好似開咗個大天然風扇咁，hea一個下晝絕對無難度～
瀑布後方係望海，景色同樣怡人
有些人會澗水過去石屋和機槍堡那邊，但我就無喇，或者下次有機會再過去～
反正哩度就係好易去嘛
其實個公園本身都幾靚，有唔少椅畀人在樹蔭下乘涼，讓人靜靜待一個下午呢
